Innlegg

 

Velkomen til Havbrukskonferansen 2019

 

Onsdag 4.desember kl 1200-1600, samlast heile havbruksnæringa i Sogn og Fjordane på Quality hotell, Florø.
Vi inviterer til ein spennande dag med innlegg og foredrag om grøne tilnærmingar i ei blå næring, rekruttering, og ikkje minst presentasjon av Havbruksprosjektet.

Dette er ein dag kor du kan være med å påverke vegen vidare.
Meld deg på i linken under, innan 29.nov.

Agenda

11.30: Registrering og noko å bite i.
12.05: Velkommen
12.10: Johannes Idsø, HVL: Presentasjon frå oppdatert verdiskapingsanalyse av havbruksnæringa i Sogn og Fjordane.
12.20: Lindsey Pollock, Sustainability Manager, Cargill.
12.35: Michael Niesar, Dagleg leiar, Sulefisk
12.50: Mari Bjordal, Rådgjevar havbruk, Bellona
13.05: Pause, frukt og kaffe
13.25: Lene Torgersen, Sustainability Project Manager, Mowi.
13.40:Trond Teigene, Adm.dir., Sparebanken Sogn og Fjordane.
13.55: Linn Nekkøy, Prosjektleiar, Aksello: Hovudprosjekt havbruk.
14.25: Spørsmål og diskusjon i plenum.
15.30: Oppsummering.

Møtet passar med båtrutene, både sørgåande og nordgåande.

Avgang Måløy: 10.20. Ankomst Florø 11.50
Avgang Florø : 1605. Ankomst Måløy: 17.45

Avgang Bergen: 08.00 Ankomst Florø 11.30
Avgang Florø: 17.00. Ankomst Bergen 20.45

Vel møtt til Havbrukskonferansen!

 

Har du spørsmål eller innspel, ta gjerne kontakt.

Linn Nekkøy
Prosjektleiar, Havbruk 

Tlf: +47 95820063
Epost: Linn@aksello.no

Den 7. mai besøker Næringsminister Torbjørn Røe Isaksen Florø. Kl 15:00 vil Næringsministeren vere på plass hjå Aksello og gje ei kort innleiing om regjeringas merksemd på små og mellomstore bedrifter (SMB).

Over 95% av alle norske verksemder har mellom 1 og 50 tilsette. Næringsministeren er oppteken av at regjeringas næringspolitikk treff disse bedriftene og ynskjer derfor innspel frå lokale verksemder. Regjeringa skal legge fram ein eigen SMB strategi før sommaren 2019.

Om du er interessert og ynskjer å delta denne dagenmeld deg på her!

Små og mellomstore bedrifter er ryggraden i norsk næringsliv. Den jobben de gjør hver dag, er med på å sikre arbeidsplasser og et bærekraftig velferdssamfunn. Det viktigste vi som regjering kan gjøre, er ofte rett og slett å ikke stå i veien. Vi skal forenkle hverdagen til bedriftene og gjøre det lettere for dem å gjøre jobben sin, sier næringsminister Torbjørn Røe Isaksen.

Inkubatorbedrifta Dimeq fekk ein unik moglegheit til å presentere seg for eit panel av næringslivsekspertar via Connect Vest sitt Springbrett. CMO Audun Bakke frå Dimeq er klar på at det har vore veldig verdifullt for prosjektet deira.

– Det som er unikt med Springbrett er at det dreiar seg kun om ditt prosjekt. Ekspertpanelet er der for å høyre om og diskutere di bedrift!! Vi fekk 20 min til å presentere oss, og det er heilt noko anna ein på andre pitcheforum der du har mykje kortare tid og deler scena med fleire andre gründerarar, fortel Audun.

Dimeq skal redde liv på havet med eit innovativt maritimt HSE-system som mellom anna vil varsle om mann-over-bord, og lokalisere mannskap og passasjerar i ein nødsituasjon.

CONNECT SPRINGBRETT

Gjennom Connect Springbrett får oppstartsbedrifter som Dimeq tilbakemeldingar frå eit tverrfaglig panel som skal ruste dei i møte med investorar og den verkelege verda. Panelet er tilpassa bedrifta sine behov og består av ressurspersonar som juristar, patentekspertar, investorar og personar med kunnskap om relevant marknad. Dimeq fekk også sjølv komme med innspel til kven dei ynskja å møte i panelet.

Det var veldig bra organisert av Anita Mannes hos Connect Vest og vi har fått tett oppfølging undervegs. Så dette er absolutt noko vi kan anbefale andre oppstartsbedrifter om å vere med på. Det er utan tvil den beste møtearenaen vi har deltatt på, seier Audun.

Inkubatorbedrifta kom i kontakt med Connect Vest gjennom Aksello og Innovasjon Norge sitt nettverk, og Springbrett er sponsa av Innovasjon Norge, samt ulike aktørar frå næringslivet.

– Det var rådgjevar Jørgen Berg frå Innovasjon Norge som inviterte oss til å delta. Ein må ha komme eit godt stykke på veg med prosjektet før ein får moglegheita til å presentere seg på Springbrett, understrekar Audun.

Bedrifta har vore med i inkubatoren til Aksello sidan 2017, og er i gang med å sikre viktig kapital til prosjektet. I denne fasen er det gull verdt å få innspel frå næringslivsekspertar som førebur deg på møte med investorar. I forkant av Springbrett går gründerane igjennom ein kvalifiseringsprosess, og avhengig av kor i utviklingsløpet bedriftene er bidrar Connect også med å utarbeide strategier og investorpresentasjon.

VERDIFULL FEEDBACK

Etter at Dimeq hadde fullført investorpresentasjonen sin fekk ekspertane stille spørsmål og komme med innspel til forretningsplan, strategi og kva dei bør tenkje på i møte med investorar.

– Tilbakemeldinga vi fekk var positive og veldig verdifulle, og dei var heilt klare på at vi må få med ein industriell investor. Dette er noko som vi har jobba med, og som vi snart vil kunne fortelje meir om, smiler Audun.

Han kunne også fortelje at dei har vore i kontakt med to av ekspertane i etterkant av Springbrett.

– Vi har ein god dialog. Dei passer begge godt inn i det vi held på med og er positive til prosjektet vårt, så det vert spennande å sjå kva som skjer vidare.

Connect Vest inviterte også Dimeq til å presentere seg på Investorforum der dei vart kåra til det mest spennande selskapet. Aksello gratulerer så mykje og ser fram til å følgje med Dimeq vidare!

Få med deg siste nytt frå Aksello ved å melde deg på nyheitsbrevet vårt her!

 

Interessert i å delta på Connect Vest sitt Springbrett?

Springbrett er eit svært nyttig og effektivt verktøy, og Aksello anbefaler alle sine inkubatorbedrifter å delta. Ta kontakt med rådgjevar Heidi Felle heidi@aksello.no om du ynskjer å vite meir. Du kan også lese meir om Connect Springbrett her.

Den første torsdagen i månaden vart som vanleg starta med ein god frukost etterfølgt av eit tettpakka program med fleire interessante foredragshaldarar hos Aksello.

Den første som fekk presentere seg var vår nye forretningsutviklar Frode Nybø som begynte hos oss 1. april. Frode vil vere ein viktig støttespelar for inkubatorbedriftene våre og skal hjelpe dei å lykkast med sine prosjekt. Han kjem frå ei stilling som prosjektleiar i Helse Vest IKT og har ein master i informasjonsteknologi frå Queensland University of Technology i Australia og ein master i prosjektleiing frå BI.

Bli betre kjend med Frode her

Frukostsamlinga vart sendt live, og du kan sjå streaminga her

Frukostmøte | Aksello
Aksello sin nye forretningsutviklar Frode Nybø

Hjelpemiddelsentralen (NAV) lettar bedriftenes rekrutteringsutfordringar v/Heidi P. Sårheim

Heidi P. Sårheim frå Hjelpemiddelsentralen var på frukostmøte for å presentere Hjelpemiddelsentralen sitt arbeid for eit inkluderande arbeidsliv.

– Det vi ofte høyrer frå menneske med funksjonsnedsetting er at dei ynskjer å vere som alle andre. Dei ynskjer å delta i samfunns- og arbeidslivet og på skulen akkurat som alle andre…Så vi jobbar med tilrettelegging både for dei som allereie er i arbeid og for dei som står utanfor.

Frukostmøte | Aksello
Heidi P. Sårheim frå Hjelpemiddelsentralen

Heidi påpeika at Hjelpemiddelsentralen er så mykje meir enn eit lager av kvite stokkar, rullestolar og talande ur. Dei er eit ressurs- og kompetansesenter, som i tillegg til rådgjeving og tilrettelegging i skule og arbeidslivet, tilbyr ulike tenester som tolk og mentorordning. Sentralen har også spisskompetanse på syn og høyrsel.  

Til slutt kom ho med eit spørsmål til arbeidsgjevarar og næringslivet om dei vil vere med å spele ball med Hjelpemiddelsentralen i inkluderingsdugnaden.

Frukostmøte | Aksello
Julian Udberg-Helle og Elias Myklebust Vaardal frå Ungdomsbedrifta Afrinvest

Ungdomsbedrifta Afrinvest førebur seg til NM v/Julian Udberg-Helle og Elias Myklebust Vaardal

Julian Udberg-Helle og Elias Myklebust Vaardal frå ungdomsbedrifta Afrinvest fortalde om korleis dei gir små mikrolån til bedrifter i oppstartsfasen i Uganda og Malawi.

Bedrifta har 12 tilsette og er ein del av blokkfaget i entreprenørskap ved Flora Vidaregåande skule. Skulen har over lang tid jobba med prosjekt Malawi, og det var gjennom dette arbeidet studentane vart gjort merksam på utfordringane med å ta opp lån. Mange har ikkje bankkonto eller ID-papir, og dei låna som vert tilbydd har høge renter og krav om oppstartskapital. I motsetning tilbyr Afrinvest mikrolån, utan oppstartskapital med lav rente, til berekraftige og framtidsretta prosjekt.

Julian og Elias trakk fram fleire eksempel på entreprenørar og bønder i Malawi og Uganda som med støtte frå Afrinvest har auka lokal matproduksjon, samt skapt ein arbeidsplass både for seg sjølv og fleire andre i lokalsamfunnet. Sidan desember i fjor har Afrinvest bidratt til at 20 personar har komme seg ut i arbeid, og ungdomsbedrifta skal delta i NM for Ungdomsbedrifter 2019 25. april.

Slik engasjement frå ungdommen vår lovar godt for framtida, og vi ynskjer dei lykke til under NM!  

Frukostmøte | Aksello
Øyvind Heimset Larsen frå Vestlandsforskning

Teknoløftet v/Øyvind Heimset Larsen, Vestlandsforskning

Øyvind Heimset Larsen frå Vestlandsforskning introduserte TEKNOLØFT-prosjektet som skal utvikle og styrke næringsretta forskingsmiljøa ved Høgskulen på Vestlandet og Vestlandsforsking for å auka kapasitet og kompetanse innan digitalisering, automatisering og big data. Gjennom dette prosjektet ynskjer dei å gjere FoU-miljø meir relevante for næringslivet i Sogn og Fjordane.

Jøril Hovland frå Kunnskapsparken er med på prosjektet for å sikre at tema og problemstillingar som det vert forska på er relevante og nyttige for næringslivet. 

– Har de ei problemstilling som de trur Øyvind og co. kan løyse, det kan vere big data, robotikk osv., så ta kontakt, oppfordra ho.

Inkubatorbedrifta Norwegian Seaweed Production mot gjennombrudd v/Svein Vindenes

Til slutt var det inkubatorbedrifta Norwegian Seaweed Production (NSP) og Svein Vindenes sin tur til å ta oss med til havrommet for å fortelje om korleis dei arbeider for ein meir bærekraftig hausting av tare. Taren er eit viktig råstoff for utvinning av alginat i medisinindustrien, og Norwegian Seaweed Production har fått tilgang til 30 000 tonn som dei skal hente ut råstoff frå. Dette vil dei gjere på den naturlege måten, utan kjemikaliar, og i motsetning til det industrien gjer i dag, så vil dei bruke heile planten. 

– Vi har komme ganske langt på veg. Vi har fått god hjelp av Aksello og hadde nok ikkje vore så langt komne om vi ikkje hadde hatt dei medhjelparane undervegs, understreka Svein.

Vi er utruleg glade for å ha NSP i vår inkubator og ser fram til å følgje dei vidare.

Frukostmøte | Aksello
Svein Vindenes frå inkubatorbedrifta Norwegian Seaweed Production

Ordet Fritt

Under Maritime Forening Sogn og Fjordane si nettverkssamlinga vart det offentleggjort at dei i desse tider med samanslåingar skiftar namn og Lone Bareksten, dagleg leiar i Aksello, inviterte Maria Brandsøy og Kristin Svardal til å gi ein kort presentasjon av nye Hub for Ocean.

Under Ordet Fritt vart det også minna om kor viktig det er med rekruttering til fylket. Høgskulen på Vestlandet har søknadsfrist 15. april, og Øyvind Østrem frå HVL kom med ein førespurnad til bedrifter om å dele bodskapet gjennom sine kanalar.

Linda Hovland frå Framtidsfylket snakka kort om korleis dei arbeider for å rekruttere folk til fylket gjennom å vise fram næringslivet og fortelje dei gode historiene. Ho minna om kor viktig det er med tilbod om sommarjobb for å knytte til seg studentar i eit meir langsiktig rekrutteringsperspektiv, og så langt i år har dei lyst ut 460 stillingar gjennom sin portal. Sjekk ut Framtidsfylket her.

Ingvar Torsvik Myrvollen, assisterande fylkessekretær for Vestland Høgre, informerte om at Næringsminister Torbjørn Røe Isaksen kjem til fylket på Næringsdagane 2019. I samband med dette vil han også besøke Florø der han planlegg eit SMB-kontaktmøte. Meir info kjem.

Neste frukostsamling er torsdag 2. mai, og det vil som alltid vere gratis og opent for alle som ynskjer å delta.

Meld deg på nyheitsbrevet vårt her, og få invitasjon direkte i din innboks!

Vi har fått eit nytt tilskot til temaet vårt og 1. april begynner Frode Nybø som forretningsutviklar hos Aksello.

Han har dei siste fem åra jobba som prosjektleiar for Helse Vest – IKT sine regionale prosjekt i region Vest og ser fram til å bli ein del av Aksello sitt nyskapande miljø.

– Det skal bli stas å bidra til vekst langs kysten og i fylket elles. Eg gler meg til å hjelpe verksemder med å lykkast med sine prosjekt, fortel han.

Som forretningsutviklar hos Aksello skal Frode ha tett oppfølging av inkubatorbedriftene og rettleie dei gjennom heile prosessen frå forretningsidé til marknad.

– Frode har eit brennande engasjement for nyskaping og ein solid bakgrunn i prosjektleiing. Han er ein dyktig teambyggjar og har god erfaring med tidleg pilotering og testing som er viktige suksessfaktorar for prosjekt i utvikling. Vi trur han vil vere ein veldig bra match for våre inkubatorbedrifter, og bidra til at dei når sine mål raskare, seier dagleg leiar Lone Bareksten.

Frode har ein master i informasjonsteknologi frå Queensland University of Technology i Australia og ein master i prosjektleiing frå BI. Han har ellers hatt ulike roller i Finansdepartementet og konsulentfirmaet CapGemini, inkludert prosjektleiar og konsulent. Frode var også ein av totalt 32 i heile landet som blei plukka ut til NFF UEFA-A lisens 2018/19, og mange kjenner han nok som den nye trenaren for Florø Fotball.

– Ja, det er jo veldig mange som vil prate med meg om fotball, men eg håper det vil vere heilt andre ting som er i fokus hos Aksello når folk kjem innom for å snakke med meg, smiler han.  

Frode vil jobbe fulltid som forretningsutviklar utanfor sesong, og 70% når fotballsesongen begynner for fullt.

Team Aksello: Frå venstre seniorrådgjevar Arne Olsen, inkubatorleiar Vanja Viken, dagleg leiar Lone Bareksten, forretningsutviklar Frode Nybø og rådgjevar Heidi Felle.

Har du ein idé eller eit prosjekt som du vil realisere

Vi står klare til å hjelpe deg med etablering og utvikling av eiga bedrift og innovasjon i etablert næringsliv.

Kontakt oss

Aksello inviterer til ny Frukostsamling torsdag den 6. desember. Frukost blir som vanleg servert frå kl. 07.30, og presentasjonar blir frå kl. 08.00 til 09.00.

 Programmet ser slik ut:

  • Ny verksemd i pre-inkubasjon: Orenda Languages v/Peter Grinde Hollevik
  • Ny inkubatorverksemd: Bulandet Miljøfisk v/styreleiar Hans Haddal
  • Framtidsfylket orienterer om trainee-stillingar, rekrutteringsmesser og meir v/dagleg leiar Linda Hovland
  • DnB – informasjon om pilot Vekstlån, v/KA Bedriftsmarked Randi Solheimsnes

Frukostsamlinga finn stad i Aksello sine lokaler i Magnus Thingnesgt. 1, 4.etasje (Kvartalet).

Jørgen Berg frå Innovasjon Norge vil vere til stades heile dagen. Om du vil ha eit eige møte med dei, så send ei melding til arne@aksello.no.

VELKOMMEN!

Aksello inviterer til ny Frukostsamling torsdag den 1. november. Frukost blir som vanleg servert frå kl. 07.30, og presentasjonar blir frå kl. 08.00 til 09.00.

Innhaldet denne gongen vil spenne frå korleis det kan vere å drive prosjekt i Kina, kva som kan skje med det mykje omtala prosjektet til Nekst i Flora, Askvoll og Solund, til en pep-talk frå Florø Fotball-trenar Terje Rognsø før dei siste og avgjerande kampane i årets OBOS-liga.

Programmet ser slik ut:

– Erfaringar med prosjekt i Kina v/Gustav Johan Nydal, Polarny Maritime

– Nekst og utviklingskonsesjonar – kva no? v/Martin Ramsdal

– FSK Florø Fotball – skjebnekampar v/Terje Rognsø

Frukostsamlinga finn stad i Aksello sine lokaler i Magnus Thingnesgt. 1, 4.etasje (Kvartalet).

Innovasjon Norge vil som vanleg være til stades heile dagen. Jørgen Berg kjem denne gongen, og han er tilgjengeleg for møter i etterkant. Om du vil ha eit separat møte med han, så send ei melding til arne@aksello.no.

VELKOMMEN!

Aksello inviterar til ny Frukostsamling torsdag den 4. oktober. Frukost blir som vanleg servert frå kl. 07.30, og presentasjonar blir frå kl. 08.00 til 09.00.

Programmet ser slik ut:

– Hydrogen på Fjord Base v/Svein Bjørkedal
I høve den pågåande Hydrogen-konferansen set vi òg fokus på dette viktige temaet.
Prosjektleiar Svein Bjørkedal frå INC kjem for å snakke om deira satsing på hydrogen på basen (eit prosjekt støtta av PetroFlora).

– Knoppskyting innan energieffektivisering – Thermonitor v/Trond-Atle Asphjell, Niprox
Nytt produkt frå den dyktige Niprox-gjengen (også støtta av PetroFlora).

– SensEye v/Sten Ingve Hellevang
Den nyaste verksemda i Aksello sin inkubator presenterer seg. Spennande, digitale løysingar innan m.a. fergetrafikk.

– Telecom World Førde 2018 v/Christiane Ulriksen, Enivest
Etter LAN-suksessen står Telecom World for tur.

– Comfort Hotel Florø og vinnarkultur v/Agnes Berntsen
Hotellet skal gjennomgå eit løft, og styreleiaren har også noko å seie om vinnarkultur.

Frukostsamlinga finn stad i Aksello sine lokaler i Magnus Thingnesgt. 1, 4.etasje (Kvartalet).

Innovasjon Norge vil som vanleg være til stades heile dagen. Rune Henjesand og Kjell Haganes kjem, og Rune er tilgjengeleg for møter i etterkant. Om du vil ha eit separat møte med han, så send ei melding til arne@aksello.no.

VELKOMMEN!

Ingvild Andersen seier at fylket vårt er verdsleiande når det kjem til mangfald og verdiskaping i næringslivet, men det er det mange som ikkje veit. Ho lærer stadig noko nytt om ting som skjer i fylket, og har lyst til å vite meir. No reiser ho på næringsturné for å bli betre kjend med næringslivet i Sogn og Fjordane. Første stopp er Aksello.

– Dette ynskje har eg faktisk hatt i to år. Sidan eg begynte i jobben min i Fylkeskommunen har eg hatt lyst til å reise på ein næringsturné for å bli betre kjend med næringslivet i Sogn og Fjordane, fortel Ingvild, rådgjevar for nærings- og kulturavdelinga til Sogn og Fjordane fylkeskommune.

Ingvild er opphavleg frå Oslo, har ein mastergrad i Innovasjon og Entreprenørskap får NMBU, og har tidlegare jobba som butikksjef for Norrøna. Då ho bestemte seg for å flytte til Sogndal i Sogn og Fjordane var det først og fremst naturen som lokka.

– Å kunne kombinere naturopplevingar med jobb var noko eg verkeleg hadde lyst til, seier ho.

Saman med kjærasten hadde ho besøkt Sogndal sommar og vinter for å sykle og stå på ski. Dei var sikre på å treffe mange andre med same interesser om dei flytta dit. Alle dei relevante jobbmoglegheitene kom derimot som ei positiv overrasking.

Verdsleiande næringsliv                                                                     

Jobbmoglegheitane i Sogn og Fjordane er noko vi må snakke meir om. Alt for få kjenner til at fylket er verdsleiande på fleire område i næringslivet. Og dessutan vil du som tilsett i ei bedrift her få meir ansvar og meir fagleg tyngde raskare enn i ei tilsvarande stilling i byane, understrekar ho.

For ei veke har Ingvild bytta ut kontorplassen sin i Leikanger med kontorplass hos Aksello for å bli betre kjend med næringslivet på kysten.

– Eg møtte Pixelwerk for første gang i dag og blei imponert over omfanget av oppgåver dei kan løyse med sin softwareutvikling. Dei begynte for nokre få år tilbake som eit fullproduksjonsselskap innan digitale, interaktive medieløysingar, design og såkalla «augmentet reality», men har no fått auga opp for havbruksnæringa og utviklar skreddarsydde verktøy til store kundar i denne bransjen, fortel Ingvild.

Angrar ikkje eit sekund

I tillegg til Pixelwerk har ho også besøkt elevar på Flora Vidaregåande skule som har entreprenørskap som valfag, NHO Vestlandet, og Maritim Forening Sogn og Fjordane. Før ho reiser heim rekk ho også ein tur til Fjordbase og INC Gruppen, og innimellom besøka er ho her på huset for å bli betre kjend med Aksello sine inkubatorbedrifter og gode naboar.

– Eg angrar ikkje eit sekund på at eg tok denne turen, seier ho entusiastisk og legg til: 

Det er utruleg verdifullt å komme seg ut og møte samarbeidspartnarar og bedrifter personleg og lære meir om kva det offentlege kan bety for dei og korleis vi kan vere gode hjelparar. Etter kvart håper eg å få moglegheit til å reise andre stader i Sogn og Fjordane for å sjå alt det spennande som skjer innan næringslivet i regionen vår.

Fylkeskommunen på besøk hos Aksello
Ingvild har bytta ut kontorplassen sin i Leikanger med kontorplass hos Aksello denne veka. F.v Vanja Viken, Lone Bareksten, Ingvild Andersen, Trine Vederhus og Arne Olsen.

Driftig

Som rådgjevar i nærings- og kulturavdelinga i Sogn og Fjordane fylkeskommunen har Ingvild mellom anna ansvar for nettsida Driftig som har som føremål å samle tilbodet til gründerar i Sogn og Fjordane. Gjennom dette initiativet arbeider Fylkeskommunen tett saman med kommunane, næringsselskap, inkubatorane og Innovasjon Norge. Saman ynskjer vi å fange opp gode idéar og initiativ og vere gode hjelparar for gründerar og nyskaparar i fylket vårt.