Innlegg

Denne månaden gav vi tommel opp til fullt kurs i sosiale media! Takk til Linda Kragseth frå Keyteq som raust delte sine tips og triks med oss og takk til alle som kom! På kurset gjekk vi mellom anna gjennom korleis ein skil seg ut i den tettpakka nyheitsstraumen og kva algoritmar som påverkar synlegheita vår, og vi fekk ei innføring i annonsering, måling og analyse.

Kurset var arrangert av Driftig i Sogn og Fjordane og tilrettelagt av Aksello.

Driftig lovar fleire kurs i 2019, så følg med her: https://www.driftig.no/kurs

Team Senseye: F.v Knut Eikeland, John Inge Langedal, Per Christian Engdal og Sten Ingve Hellevang.

Senseye AS har blitt tatt opp i inkubatoren til Aksello og har fleire interessante prosjekt på gang innan satsingsområde vårt smarte samfunn. Bedrifta har mellom anna signert ein utviklingsavtale med Fjord1 for å utvikle konseptet EasyCrossing.

– Det finst ingen løysingar på marknaden for dei utfordringane SensEye skal løyse saman med Fjord1, så det vert utruleg spennande å utvikle dette prosjektet. Løysinga består av fleire element som har internasjonalt potensiale, understrekar med-grunnleggjar Sten Ingve Hellevang.

Graden av digitalisering forbundet med lasting og lossing på bilferjer i dag vurderast som svært lav. Samtidig har det de siste årene blitt utvikla og tilgjengeleggjort sensorteknologi, som opnar for nye moglegheiter. Senseye skal jobbe saman med Fjord1 sin organisasjon for å utvikle og teste nye konsept innan desse områda.

Skipa hos Aksello

I tillegg til Hellevang består teamet til Senseye av John Inge Langedal, Knut Eikeland, og Per Christian Engdal som alle er med-grunnleggjarar i selskapet. Dei har alle solid kompetanse og lang erfaring innanfor områda automasjon, systemutvikling og leiing. Alle fire er også operativt aktive i selskapet og vil representerer Senseye sitt kjerneteam i utviklingsprosjektet gjennom 2018 og 2019.

– Fleire av oss har jobba saman før, men det var faktisk gjennom Aksello sine møteplassar og prosjekt at vi begynte å diskutere å starte ei bedrift i lag. Både Per Christian og Knut har jobba med fleire prosjekt i Aksello og har sett kor viktig deltaking i Inkubator er for å utvikle både idé og selskap. Her har vi eit fellesskap med andre i same situasjon som vi kan lære av og dele vår kompetanse med, og Aksello representerer eit stort nettverk innan kompetansefeltet vårt som vil vere viktig for Senseye framover, seier Hellevang.

Den nyetablerte bedrifta har så langt mottatt finansielle støtte frå Innovasjon Norge, Kommunalt Næringsfond – Flora kommune og Sparebanken Vest sitt næringsfond.

Tøffe greier

– Senseye er enno i ein tidleg fase og er svært heldige som får jobbe med Fjord1 sin organisasjon om innovasjon og nyskaping. Det blir knallhard jobbing for å møte Fjord1 sine forventningar og det har prioritet nummer 1. I tillegg jobbar vi med ein forretningsmodell for neste fase, fortel Hellevang.

Selskapet jobbar også med andre nyskapande konsept og lovar at vi vil høyre meir frå dei seinare.

Alle som har starta selskap for å utvikle nye produkt veit at det er tøffe greier. Det er ingen lett sak å spå kven eller kva produkt som vert ein suksess,  men vert det ein suksess så verte Senseye eit nytt og spennande selskap i Sogn og Fjordane, og det håpar vi sjølvsagt.

Onsdagskveld var det mange som tok turen til Gründersamlinga hos Aksello for å få med seg inspirerande foredrag frå erfarne gründerar som kunne dele frå sine gründerreiser, og fortelje om korleis ein skaper si eiga bedrift. Det var utruleg kjekt å sjå at her var både faste besøkande og mange nye fjes blant dei frammøtte.

Trainee Trine Vederhus og rådgjevar Heidi Felle starta samlinga med ein kort presentasjon av Aksello og korleis vi jobbar tett med gründerar og etablert næringsliv for å løfte fram gode idéar. Deretter gjekk det slag i slag mellom spennande innlegg og suksesshistorier frå ulike bedrifter i Sogn og Fjordane.

Askvoll Sjømat og Delikatesser

Første bedrift på programmet var Askvoll Sjømat og Delikatesser v/ Helge og Inger Johanne Loftheim. Dei er begge utdanna kokkar, og kunne fortelje at det var ein ferie til Askvoll, heimbygda til Leif, som vart starten på deira gründerreise. Medan dei var der forelska dei seg i eit gammalt, falleferdig hus som dei såg nytt potensiale i: nemleg ein delikatessebutikk. Saman med bror til Helge, Eirik som også er kokk, kjøpte dei huset, slutta i jobbane sine og forlèt storbylivet i Oslo for å bokstaveleg talt byggje si eiga bedrift. For opp i det heile hadde dei eit stort renoveringsprosjekt framfor seg, og det vart lange dagar der dei måtte balansere tida si mellom jobb i den lokale barnehagen, oppstart og oppussing.

 

Eg hugsa at vi var godt slitne og utbrente på opningsdagen, men vi klarte å nå målet vårt allereie på første opningsdag og det var tre fulltidsstillingar.

– Inger Johanne Loftheim


LocalHost og Lefdal Mine Datacenter

At du må ha «guts», og tørre å satse som gründer, kom også godt fram i Sindre Kvalheim sin engasjerande presentasjon om LocalHost og IT-eventyret Lefdal Mine Datacenter – Nord-Europas største datasenter. Sindre, som starta si første bedrift når han var 19 år gammal og hadde selt tre bedrifter i ein alder av 25, hadde mange erfaringar å dele. Mellom anna kor viktig det er å byggje seg opp eit godt nettverk, inngå samarbeid med dei rette personane og skape eit dyktig team.

Gründersamling | Aksello

Villa Åmot

Gode samarbeidspartnarar var også eit av mange viktige stikkord i Steinar Sørli sitt innlegg. Han presenterte reiselivskonseptet Villa Åmot som han har skapt saman med ektemannen sin Yngve Brakstad på sitt barndoms ferieparadis, tante Rollaug sin gard i Bygstad. Steinar snakka om lokalmat som lokal verdiskaping, internasjonalisering og deira samarbeid med the Travel Designer for å nå ut til high-end marknaden.

Vi gjer som tante Rollaug, ynskjer gjestane velkommen, og gir dei ei ekte og autentisk oppleving av Norge.

– Steinar Sørli

Gründersamling | Aksello

Sparebanken Vest

Kjell Gunnar Lilleøren frå Sparebanken Vest heldt også innlegg for å informere om midlar frå Næringsstiftinga i Sogn og Fjordane. Han fortalde mellom anna om kva dei ser etter, kva ein kan søke om og presenterte ulike suksesshistorier som dei har støtta. Stiftinga har nettopp hatt årets første søknadsrunde, og neste frist vert i september i år.

Gründersamling | Aksello

Mat og mingling

Kvelden vart avslutta med herleg mat laga av Askvoll Sjømat og Delikatesser og mingling. Vi håpar at alle gjekk heim med ny giv, inspirasjon og nye kjennskap! Det gjorde i alle fall vi, og vi ser allereie fram til neste samling.

Ynskjer du invitasjon til vår neste gründersamling?

Meld deg på nyhendebrevet til Aksello her.

Stadig fleire norske bedrifter får hjelp av Siva, melder Siva i ei pressemelding. Talet på nye bedrifter som vert tatt inn næringshagar og inkubatorar støtta av Siva har auka kraftig viser ferske tall for 2017.

Siva sitt inkubasjons- og næringshageprogram gir bedriftene tilgang til kunnskap, kompetanse og eit nasjonalt nettverk. 40 næringshagar og 35 inkubatorar over heile landet drifter programmet, og i Sogn og Fjordane er Aksello, Kunnskapsparken i Sogn og Fjordane, Gulen og Masfjorden Næringshage, Gulen og Masfjorden Utvikling, Sognefjorden Næringshage, Nordfjordeid Næringshage og Stryn Næringshage ein viktig del av dette nettverket. Sjå Siva-effekten i Sogn og Fjordane her.

8,6 mrd. i verdiskaping 

På landsbasis er 3.600 bedrifter knytt til Siva sine inkubatorar og næringshagar, noko som er ei auke på 11% frå 2016.

Bedriftene genererer 8,6 milliardar i verdiskaping kvart år. Analysane fortel også at bedrifter som er ein del av Siva sin innovasjonsinfrastruktur presterer betre enn andre.

I 2017 vart heile 949 nye bedrifter tatt opp i inkubasjonsprogrammet og 529 nye bedrifter i næringshageprogrammet.

– Siva sitt samfunnsoppdrag handlar om å utløyse næringsutvikling i bedrifter og regionale nærings- og kunnskapsmiljø i heile Norge. Vi er nøgde med at så mange bedrifter får hjelp av Siva sine inkubatorar og næringshagar, seier innovasjonsdirektør for Siva Kjerstin Spjøtvoll.

Les heile pressemeldinga frå Siva her 

Innovasjonsdirektør for Siva Kjerstin Spjøtvoll.

Auka verdiskaping i fylket

– Tala frå Siva viser at det samla tilbodet som vi gir til gründerarar og etablert næringsliv har ein klar effekt, seier Vanja Viken, inkubatorleiar for Aksello.

I 2017 var 22 nyskapande bedrifter med i inkubatorprogrammet hos Aksello, og 8 av desse var nye bedriftsopptak. Gjennom inkubatorprogrammet får selskapa tilgang til eit innovativt miljø med støtte til prosjektleiing, forretningsutvikling, tilgang til nettverk, finansiering og andre verkemiddel.

– Vi opplev eit aukande behov for bistand både hos nye gründerar og etablerte bedrifter for utvikling av innovative produkt og tenester. For å møtte det veksande behovet inngjekk vi i fjor ei samarbeidsavtale med Kunnskapsparken Sogn og Fjordane for sikre eit heilskapleg tilbod på inkubasjon i fylket. Dette styrkjer den samla kompetansen vår og det regionale innovasjonsmiljøet som skal løfte fram gründerar og nyskapande bedrifter for auka verdiskaping i fylket vårt, seier Viken.

Les meir om samarbeidet til Aksello og Kunnskapsparken her

Inkubatorleiarane Vanja Viken frå Aksello og Roger Ulvestad frå Kunnskapsparken.

Kort om Siva

Siva fyller 50 år i 2018 og har gjennom alle sine år bygd opp ein nasjonal infrastruktur med internasjonalt etterspurt kompetanse.
I budsjettavtala for 2018 har Siva fått fornya tillit med 115 millionar i auka bevillingar. Desse skal mellom anna verte brukt til å styrke inkubasjons- og næringshageprogrammet.

Siva sitt Inkubasjonsprogram er retta mot oppstartsbedrifter i tidleg fase. Tenester som vert gitt er til dømes forretningsutvikling, kommersialisering og mentorering. Bedriftene får tilgang til relevante nettverk, finansiering og eit sterkt utviklingsmiljø. Siva har 35 inkubatorar i Norge som drifter programmet.

Næringshageprogrammet er retta mot meir etablerte bedrifter og har eit spesielt fokus på distrikta. Tenester som vert gitt er til dømes bedriftsrådgjeving, hjelp til utvikling av forretningsidéar og marknadsplanlegging. Det å kople bedriftene opp til relevante FoU-miljø, investeringsmiljø, samt offentleg verkemiddelapparat er også ein del av programmet. Siva har 40 næringshagar som drifter programmet

Ingvild Andersen seier at fylket vårt er verdsleiande når det kjem til mangfald og verdiskaping i næringslivet, men det er det mange som ikkje veit. Ho lærer stadig noko nytt om ting som skjer i fylket, og har lyst til å vite meir. No reiser ho på næringsturné for å bli betre kjend med næringslivet i Sogn og Fjordane. Første stopp er Aksello.

– Dette ynskje har eg faktisk hatt i to år. Sidan eg begynte i jobben min i Fylkeskommunen har eg hatt lyst til å reise på ein næringsturné for å bli betre kjend med næringslivet i Sogn og Fjordane, fortel Ingvild, rådgjevar for nærings- og kulturavdelinga til Sogn og Fjordane fylkeskommune.

Ingvild er opphavleg frå Oslo, har ein mastergrad i Innovasjon og Entreprenørskap får NMBU, og har tidlegare jobba som butikksjef for Norrøna. Då ho bestemte seg for å flytte til Sogndal i Sogn og Fjordane var det først og fremst naturen som lokka.

– Å kunne kombinere naturopplevingar med jobb var noko eg verkeleg hadde lyst til, seier ho.

Saman med kjærasten hadde ho besøkt Sogndal sommar og vinter for å sykle og stå på ski. Dei var sikre på å treffe mange andre med same interesser om dei flytta dit. Alle dei relevante jobbmoglegheitene kom derimot som ei positiv overrasking.

Verdsleiande næringsliv                                                                     

Jobbmoglegheitane i Sogn og Fjordane er noko vi må snakke meir om. Alt for få kjenner til at fylket er verdsleiande på fleire område i næringslivet. Og dessutan vil du som tilsett i ei bedrift her få meir ansvar og meir fagleg tyngde raskare enn i ei tilsvarande stilling i byane, understrekar ho.

For ei veke har Ingvild bytta ut kontorplassen sin i Leikanger med kontorplass hos Aksello for å bli betre kjend med næringslivet på kysten.

– Eg møtte Pixelwerk for første gang i dag og blei imponert over omfanget av oppgåver dei kan løyse med sin softwareutvikling. Dei begynte for nokre få år tilbake som eit fullproduksjonsselskap innan digitale, interaktive medieløysingar, design og såkalla «augmentet reality», men har no fått auga opp for havbruksnæringa og utviklar skreddarsydde verktøy til store kundar i denne bransjen, fortel Ingvild.

Angrar ikkje eit sekund

I tillegg til Pixelwerk har ho også besøkt elevar på Flora Vidaregåande skule som har entreprenørskap som valfag, NHO Vestlandet, og Maritim Forening Sogn og Fjordane. Før ho reiser heim rekk ho også ein tur til Fjordbase og INC Gruppen, og innimellom besøka er ho her på huset for å bli betre kjend med Aksello sine inkubatorbedrifter og gode naboar.

– Eg angrar ikkje eit sekund på at eg tok denne turen, seier ho entusiastisk og legg til: 

Det er utruleg verdifullt å komme seg ut og møte samarbeidspartnarar og bedrifter personleg og lære meir om kva det offentlege kan bety for dei og korleis vi kan vere gode hjelparar. Etter kvart håper eg å få moglegheit til å reise andre stader i Sogn og Fjordane for å sjå alt det spennande som skjer innan næringslivet i regionen vår.

Fylkeskommunen på besøk hos Aksello
Ingvild har bytta ut kontorplassen sin i Leikanger med kontorplass hos Aksello denne veka. F.v Vanja Viken, Lone Bareksten, Ingvild Andersen, Trine Vederhus og Arne Olsen.

Driftig

Som rådgjevar i nærings- og kulturavdelinga i Sogn og Fjordane fylkeskommunen har Ingvild mellom anna ansvar for nettsida Driftig som har som føremål å samle tilbodet til gründerar i Sogn og Fjordane. Gjennom dette initiativet arbeider Fylkeskommunen tett saman med kommunane, næringsselskap, inkubatorane og Innovasjon Norge. Saman ynskjer vi å fange opp gode idéar og initiativ og vere gode hjelparar for gründerar og nyskaparar i fylket vårt.

Det er i år som tidlegare år, duka for spennande karrieremesser i Trondheim og Bergen, 25. januar og 13. februar.  Aksello skal delta på begge messene både som representant for Flora Kommune og på gründertorget for å vise fram kva moglegheiter det er i Sogn og Fjordane for å starte eige selskap. Her får ein treffe spennande gründerar som deler sine erfaringar om det å vere gründer i Sogn og Fjordane.

Karrieremessene er ein god arena for å treffe potensielle arbeidstakarar.  I 2017 hadde karrieremessene over 1200 besøkande. Det er trygt å seie at dette er blitt ein populær møteplass både for næringslivet og potensielle tilflyttarar til Sogn og Fjordane.

Dersom di bedrift endå ikkje er påmeldt, oppfordrar vi deg til å bli med! Ta kontakt med Gro Rukan (gro@framtidsfylket.no) for påmelding snarast mogleg!

 

Etter at petroleumsnæringa gjekk inn i rolegare farvatn har dei marine næringane blitt eit viktig satsingsområde for nyskaping og næringsutvikling. Det er ikkje utan grunn at den blå åkeren har blitt kalla for den nye olja, og at der er optimisme å finne merker vi også her hos oss i Aksello. Både gjennom førstelinjetenesta og inkubatoren vår kjem mange nye idear og prosjekt som rører seg i havrommet.

Dette viser vi gjennom artikkelserien: “Havrommet”. Den tek mellom anna for seg spennande startups, interessante tema som forsking og utvikling innan akvakultur, og sentrale spørsmål som “Kva skjer med Pelagia-anlegget?”.

I denne utgåva av Havrommet får du bli betre kjend med pre-inkubasjonsbedrifta Bulandet Miljøfisk som har fått konsesjon for sitt landbaserte oppdrettsanlegg på Bulandet. Anlegget tek omsyn til både utslepp og fiskevelferd, og vil vere med på å skape verdi for mange andre aktørar i havbruksnæringa.

 

Bulandet Miljøfisk

Bulandet Miljøfisk er ikkje aleine om å vere eit landbasert oppdrettsanlegg i Norge, men ingeniør Oddmund Storesund, grunneigar Anne Margrete Grepstad og prosjektleiar Ola Sveen vil gjere det på ein måte som ingen andre har prøvd før.

Anlegget dei planlegg skal vere integrert i den unike geografien på Bulandet. Der skal sjøvatn bli pumpa inn frå nordsida av øya, og ført gjennom eit oppdrettsanlegg som ligg lavt over havflata, og 6-7 meter under havnivå i botn. På den måten blir energiforbruket redusert og inngrepet i naturen minst synleg.

Anlegget vil fungere slik at det grove slammet blir tatt ut etter sedimentering i kar, og resten av vatnet blir filtrert før det går vidare til ein reinsehage. Dette vatnet inneheld mange næringsstoffer som algar og tare kan nyttegjere seg av. Slammet som vert samla opp kan bli brukt i produksjon av biogass, forklarar Sveen.

 

Verdi for mange

Å bruke taren og algen på denne måten er ny, og Bulandet Miljøfisk ser også andre verdiar i taren som kan bli brukt som proteinkjelde i produksjon av fiskefôr. Samstundes kan innovasjonsarbeidet som blir lagt ned i utviklinga av anlegget ha verdi i andre samanhengar, til dømes for lukka anlegg i sjø og for andre gruntvassområde langs kysten.

Prosjektleiar Ola Sveen

Prosjektleiar Ola Sveen

Anlegget løyser forhåpentlegvis nokon av utfordringane til oppdrettsnæringa, som ustabile forhold ved straum og ujevnt innhald av oksygen. Denne typen anlegg vil også unngå problem med lakselus og rømming, fortel Sveen.

I framtida ser han for seg anlegget i Bulandet som ein produsent av førsteklasses laks og aure.

I denne type oppdrett vil vi lage en fisk som også skal være sterk mot sjukdom og andre problem oppdrettsnæringa slit med. Vår fisk vil få konstant mykje bevegelse og trim, og det er alltid av det gode, også når det gjeld laksefisk.

 

Konsesjon og kapital

I september i år fekk bedrifta tildelt fem konsesjoner med løyve til å produsere ca. 5000 tonn med laks og aure i året.

Prosessen med å få konsesjon tok eit godt år og det er nokolunde det som er normalt for ein slik søknad. Hos Fylkesmannen er det fokus på utslepp og her må ein dokumentere nøyaktig korleis dette vert handtert. Vi tek ut avløpsslammet og fekk den delen godkjent. Mattilsynet har sterkt fokus på blant anna fiskevelferd. Ved å etablere samarbeid med forskarar hos NOFIMA, som vil følgje opp korleis fiskevelferda utviklar seg etter kvart som tettleiken stig i anlegget, fekk vi også løyve frå Mattilsynet, utdjupar han.

Tildeling av konsesjon var avgjerande for at Bulandet Miljøfisk kunne arbeide vidare med prosjektet, og no jobbar dei med å få kapitalen på plass.   

Vi arbeider no med å få tilstrekkeleg kapital inn i selskapet og lage ein finansieringsplan som både banker og Innovasjon Norge får tillit til. Vi har fått deler av finansieringa på plass, men dette er en kabal vi vil bruke litt tid på, seier Sveen.

Når kabelen er lagt, kan bygginga begynne. Bulandet Miljøfisk håper på byggestart i vinter eller til vår/forsommar etter hekkesesongen i juni. Og når anlegget er klart og i full drift vil det vere med på å skape 10 nye arbeidsplassar i Bulandet.

 

Fleire artiklar i Havrommet-serien:

FjordAlg under mikroskopet

Vil kjempe blant dei store aktørane

– Eg møter ikkje lenger skeptikarar 

Vil løyse utfordringane til oppdrettsnæringa

Ser nye moglegheiter i taren