I generalforsamlinga i byrjinga av juni vart det nokre endringar i styret i Aksello. Tidlegare ordførar i Kinn, Ola Teigen, gjekk ut av styret medan den noverande, Bengt Solheim-Olsen, kom inn. Bengt kjenner Aksello godt frå tidlegare periode som styremedlem.
![240619 bengt](https://aksello.no/wp-content/uploads/2024/06/240619-bengt-225x300.webp)
Bengt Solheim-Olsen
Vegard Saur frå Siva blei skifta ut med Ulf Hustad frå same organisasjon. Ulf kjenner også Aksello frå tidlegare.
![240619 Ulf Hustad](https://aksello.no/wp-content/uploads/2024/06/240619-Ulf-Hustad.jpg)
Ulf Hustad
Dei øvrige styremedlemma, Mikael Johansen (leiar), Katrine Dale (nestleiar), Marita Jarstad, Silje Sunde og Atle Isaksen, held alle fram.
![240619 Magnus](https://aksello.no/wp-content/uploads/2024/06/240619-Magnus-300x300.png)
Magnus Aftret
Frå august får Aksello ein ny trainee. Magnus Aftret kjem frå Trøndelag og skal bli godt kjend med Aksello dei neste 12 månadene. Han har ein Mastergrad i Medier, kommunikasjon og informasjonsteknologi frå NTNU i Trondheim. Han skal jobbe med ekstern kommunikasjon, FloraU40 og anna interessant stoff.
![Ingunn](https://aksello.no/wp-content/uploads/2023/02/Ingunn-1024x1024.png)
![240619 Trond](https://aksello.no/wp-content/uploads/2024/06/240619-Trond-246x300.jpg)
Fv.: Ingunn Marie Eide, Trond Økland.
Vår inkubatorleiar Ingunn Eide ventar baby i haust, så frå september startar Trond Økland med overlapping for å vikariere for Ingunn eit års tid. Trond er som kjend normalt ein av dei eksterne rådgjevarane knytt til Aksello.
Jakta på ny dagleg leiar i Aksello er ferdig for lenge sidan. Ho (ja, det vert ei ho igjen) vil bli presentert om få dagar, og tek til i jobben 1. september.
Vi gler oss😊