I generalforsamlinga i byrjinga av juni vart det nokre endringar i styret i Aksello. Tidlegare ordførar i Kinn, Ola Teigen, gjekk ut av styret medan den noverande, Bengt Solheim-Olsen, kom inn. Bengt kjenner Aksello godt frå tidlegare periode som styremedlem.
Bengt Solheim-Olsen
Vegard Saur frå Siva blei skifta ut med Ulf Hustad frå same organisasjon. Ulf kjenner også Aksello frå tidlegare.
Ulf Hustad
Dei øvrige styremedlemma, Mikael Johansen (leiar), Katrine Dale (nestleiar), Marita Jarstad, Silje Sunde og Atle Isaksen, held alle fram.
Magnus Aftret
Frå august får Aksello ein ny trainee. Magnus Aftret kjem frå Trøndelag og skal bli godt kjend med Aksello dei neste 12 månadene. Han har ein Mastergrad i Medier, kommunikasjon og informasjonsteknologi frå NTNU i Trondheim. Han skal jobbe med ekstern kommunikasjon, FloraU40 og anna interessant stoff.
Fv.: Ingunn Marie Eide, Trond Økland.
Vår inkubatorleiar Ingunn Eide ventar baby i haust, så frå september startar Trond Økland med overlapping for å vikariere for Ingunn eit års tid. Trond er som kjend normalt ein av dei eksterne rådgjevarane knytt til Aksello.
Jakta på ny dagleg leiar i Aksello er ferdig for lenge sidan. Ho (ja, det vert ei ho igjen) vil bli presentert om få dagar, og tek til i jobben 1. september.
Vi gler oss😊
