Nye krav om kjønnsbalanse i styre er vedtekne, og fram mot 2028 skal det rekrutterast 13 000 nye styremedlemmer, dei fleste av desse kvinner. Vi i Vekst/i/lag har eit mål om å auke styre kompetansen i regionen for å sikre denne kjønnsbalansen i næringslivet i gamle Sogn og Fjordane.
Det er derfor med stor glede at vi no kan melde om at partnarskapen vår har gått saman og arbeidd fram eit spanande styrekurs i regi av Handelshøyskolen BI som vi tilbyr til bedrifter i det regionale næringslivet. Kurset er delvis finansiert av Sparebankstiftinga Sogn og Fjordane.
KVEN PASSAR KURSET FOR
Kurset passar godt for styremedlemmer, styreleiarar, styresekretærar, rådgivarar, konsulentar, tilsette som arbeider strategisk og tilsette som arbeider strategisk i virksomheten, som for eksempel daglig leder.
KURSET GIR DELTAKERNE KOMPETANSE OM MELLOM ANNA
- Funksjonen til styret i ulike verksemder
- Oppgåvene til styret sett frå eigaranes, verksemdas og samfunnets side (inkludert CSR)
- Leiarrolla til styret og ansvaret til styret for strategiar, organisering og innovasjon
- Selskapslovgivning, forskrifter, vedtekter og standardar
- Metodar for eit godt samspel mellom dagleg leiar og styret
- Metodar for vellykka arbeid i styrerommet
Undervisninga blir tilpassa og knytt opp mot selskapsform i dei selskapa som deltakarane representerer.
KVIFOR STYREKOMPETANSE
Kurset gir ein praktisk og nødvendig kompetanse for dei som ikkje har styrekompetanse frå før, og ei heilskapleg oppdatering for andre som ønskjer og treng det.
Du vil læra om dei mest sentrale problemstillingane og teoriane som har noko å seia for praktisk utøving
av styreverv. Det vil seia å møta krava i lovverket og å vareta dei løpande oppgåvene og spesifikke utfordringar verksemda har. Eksempelvis kan dette vera omstilling til berekraftig drift og auka verdiskaping for kundane og verksemda gjennom forretningsutvikling og digitalisering.
Sentralt i kurset er til dømes forståinga for samanhengen mellom dei overordna styringsimpulsane for verksemda, dets strategiske dimensjon og styringssystem, i tillegg til organisatoriske, leiingsrelaterte, juridiske og økonomiske forhold.
Etter kurset vil deltakarane kjenna til dei viktigaste lovene og reglane, forstå rolla til styret som avgjerds- og leiingsorgan og kjenne til sentrale prinsipp for strategisk utvikling, samfunnsansvar (CSR), og dessutan økonomi- og risikostyring.
GJENNOMFØRING OG OMFANG
Kurset blir gjennomført med ein kombinasjon av 2 fysiske samlingar à 2 dagar og digital undervisning. Det vil i tillegg bli arrangert 2 digitale samlingar à 2 timar og dessutan nokre digitale innspelingar som det blir føresett at deltakaren er med på og går gjennom.
Vi legg også opp til noko eigenaktivitet i forkant av kurset slik at deltakarane er førebudde til den første samlinga til kurset og kan få mest mogleg ut av undervisninga. Desse enkle førebuingane er knytt til eksamensoppgåva slik at deltakarane tidleg kan reflektera omkring relevante problemstillingar i eit styre.
Lokasjon for samlingane kjem vi attande med, men det skal gjennomførast ein plass i gamle Sogn og Fjordane.
Dette kurset gir 7,5 studiepoeng. Eksamen er eit prosjektsvar knytt til ei reell problemstilling i eit styre som du sjølv vel å skriva om. Opptakskravet er generell studiekompetanse. Den som ikkje har generell studiekompetanse blir teken opp på bakgrunn av realfagskompetanse (fylt 25 år).
PROGRAM
STUDIEKONTRAKT OG FAKTURERING
Det blir inngått ein studiekontrakt mellom enkeltstudenten og Handelshøyskolen BI sjølv om det er verksemda som betaler for kurset. Ein av partane i Vekst/i/lag vil fakturera studieavgifta til kvar enkelt deltakar.
Meld di interesse til kontaktpersonen din i verkemiddelapparatet for prisar og for å sjekka moglegheita for ytterleg støtte, i tillegg til bidraget frå Sparebankstiftinga Sogn og Fjordane. Det er gode prisar for deg som er med i eit Siva-program, anten som inkubatorbedrift, eller som medlem i næringshageprogrammet.
OM VEKST/I/LAG
Vekst/i/lag er ein partnarskap mellom fleire innovasjonsselskap som hjelper gründerar og etablerte bedrifter med utvikling og vekst. Vi ser at vi kan yte betre tenester til målgruppa vår gjennom samarbeid. Gruppa består av selskap som er operatørar av SIVAs inkubator- og næringshageprogram. Vekst/i/lag har til saman 150 bedrifter tilknytta programmet.
