Det å heile vegen få jobbe saman med det mest framoverlente næringslivet i vår region, er eit privilegiet. Det er ein utruleg gjevande arbeidsdag å finne gode løysingar, virkemidlar og verktøy som kan hjelpe gode forretningsidear til å bli kommersielle verdiskapande bedrifter og arbeidsplassar. Etter mange år i Aksello har eg fått eit godt innblikk i korleis det offentlege som stat, fylkeskommune og kommune kan bidra til å utvikle og legge gode føringar for næringsutvikling. Det å kople desse to verda, og saman finne optimale gode løysingar er utruleg kjekt og kanskje det som gjer jobben i Aksello så motiverande. Og så er det så variert, frå å sitte i møter med nye spennande gründerar til å arrangere kjekke møteplassar og samstundes få knytte til oss masse interessante gode ressursar gjennom prosjekt, søknader og samarbeid. Og eg får leie, utvikle og drive eit selskap, noko som i seg sjølv er kjempeinteressant. Sist, men ikkje minst; det gjev meg utruleg mykje å få samarbeide med så interesserte eigarar, engasjerte styremedlem og knalldyktige medarbeidarar som har same visjon og mål!